JCh—2018 chiptasi uchun kurash olib borayotgan Yevropa mamlakatlari saralashning 3-turini yakunladi.
“C” guruhida Germaniya terma jamoasi 9 ochko bilan yaqqol peshqadamga aylanib oldi. Shimoliy Irlandiyani qabul qilgan Ioxim Lyov jamoasi 2:0 hisobida zafar quchdi.
Ketma-ket ikki turni o‘z foydasiga hal qilgan Ozarbayjon terma jamoasi o‘z darvozasi dahlsizligini yana bir bor saqlab qoldi. Navbatdagi turni jamoa 11-noyabr kuni safarda Shimoliy Irlandiyaga qarshi o‘tkazadi.
JCh—2018 Yevropa. “C” guruhi. 3-tur 11-oktabr, seshanba
Germaniya — Shimoliy Irlandiya 2:0
Gollar: Yulian Draksler, 13 (1:0). Sami Xedira, 17 (2:0).Chexiya — Ozarbayjon 0:0
Norvegiya — San-Marino 4:1
Gollar: Davide Simonchini, 12-avt (1:0). Mattia Stefanelli, 54 (1:1). Adama Dyomande, 77 (2:1). Martin Samuelsen, 82 (3:1). Joshua King, 83 (4:1).
“E” guruhida Polsha va Chernogoriya terma jamoalari 7 tadan ochko bilan qo‘shhokimlikni yuzaga keltirdi. Mazkur turda o‘z hisobiga 1 ta gol yozib qo‘ygan Robert Levandovski saralashdagi gollari sonini 5 taga yetkazib, Krishtianu Ronalduga yetib oldi. Qayd etish kerak, “Bavariya” hujumchisi Polshani 95-daqiqaga kelibgina ochko yo‘qotishdan qutqarib qoldi.
Qozog‘iston terma jamoasi so‘nggi turda 0:5 hisobida mag‘lub bo‘lgandi. O‘z maydonidagi o‘yinlarda esa qozog‘istonlik futbolchilar ketma-ket ikkinchi bor 1 ochkodan ishladi.
JCh—2018 Yevropa. “E” guruhi. 3-tur 11-oktabr, seshanba
Qozog‘iston — Ruminiya 0:0
Polsha — Armaniston 2:1
Gollar: Grayr Mkoyan, 48-avt (1:0). Markos Pizzelli, 50 (1:1). Robert Levandovski, 90+5 (2:1).Chetlatish: Gael Andonyan, 30 (A).Daniya — Chernogoriya 0:1
Gol: Fatos Bechiray, 32 (0:1).
“F” guruhida Angliya terma jamoasi 3-turga kelib ochko yo‘qotdi. Bosh murabbiysiz qolgan jamoa Sloveniya maydonida golsiz durang qayd etdi va darvozasi dahlsizligini ketma-ket uchinchi turda saqlab qoldi.
JCh—2018 Yevropa. “F” guruhi. 3-tur 11-oktabr, seshanba
Sloveniya — Angliya 0:0
Slovakiya — Shotlandiya 3:0
Gollar: Robert Mak, 18 (1:0). Robert Mak, 56 (2:0). Adam Nemets, 68 (3:0).Litva — Malta 2:0
Gollar: Fyodor Chyornix, 76 (1:0). Arvidas Novikovas, 84-pen (2:0).Chetlatish: Jonatan Karuana, 82 (M).
Izoh (0)