Zika virusi kelgusida butun Osiyo-Tinch okeani mintaqasiga tarqalishi mumkin. Bu haqda 10-oktabr, dushanba kuni Jahon sog‘liqni saqlash tashkiloti (JSST) ma’lum qildi, deya xabar beradi “Interfaks”.
“Mintaqada Zika virusi bilan bog‘liq yangi holatlar va epidemiya tarqalishi ehtimoli yuqori”, — deyiladi tashkilot hisobotida.
JSST rahbari Margaret Changa ko‘ra, mintaqa davlatlari rahbarlari hozirga qadar vaksina topilmagan Zika virusi xurujidan jiddiy xavotir bildirmoqda.
Ma’lumot uchun, Zika virusi dunyoning 70 mamlakatida qayd etildi, ulardan 19 tasi Osiyo-Tinch okeani mintaqasida joylashgan.
Izoh (0)