Erdo‘g‘on: Turkiya-Rossiya aloqalarining normallashish jarayoni to‘liq ko‘lamda davom etadi

Rossiya-Turkiya aloqalari yaxshilanishda davom etadi. Bunday bayonotni Turkiya prezidenti Rajab Toyyib Erdo‘g‘on Rossiya prezidenti Vladimir Putin bilan muzokaralar yakunlari bo‘yicha qo‘shma matbuot anjumanida aytib o‘tdi, deb yozadi “TASS”.

“Turkiya-Rossiya munosabatlarining normallashish jarayoni to‘liq ko‘lamda davom etishiga to‘liq va butunlay ishonaman”, — dedi u.

Turkiya prezidenti, shuningdek, ikki mamlakat aloqalari rivojlanishi va “juda ko‘plab xilma-xil sohalar”ni qamrab olishini qo‘shimcha qildi. “Ham mudofaa sanoati, ham savdo-iqtisodiy va ikki tomonlama aloqalarga bog‘liq bo‘lgan boshqa barcha sohalarni”, — deya sanab o‘tdi Erdo‘g‘on.

Eslatib o‘tamiz, Rossiya prezidenti Vladimir Putin Butunjahon energetika kongressida ishtirok etish maqsadida Istanbulga tashrif buyurdi. Tashrif doirasida u Turkiya prezidenti Rajab Toyyib Erdo‘g‘on bilan uchrashdi va “Turkiya oqimi” gaz quvuri loyihasi bo‘yicha hukumatlararo bitim imzoladi.