AQShning Boston universiteti ekspertlari Coca-Cola va PepsiCo kompaniyalari Amerikaning 96 ta tibbiyot uyushmalari bilan ikkala kompaniya manfaatlarini lobbilashtirish (davlat hukumatiga qaror qabul qilish chog‘ida u yoki bu iqtisodiy yoki siyosiy guruh manfaatlari yo‘lida bosim o‘tkazish) bo‘yicha til biriktirganini aniqladi, deb yozadi Rambler News Service. Ushbu tadqiqot American Journal of Preventive Medicine jurnalida chop etildi.
Tadqiqot mualliflari yozishicha, ikkala kompaniya 2011-yildan 2015-yilgacha Amerikaning 96 ta sog‘liqni saqlash tashkiloti hisoblariga pul o‘tkazgan. Bu tashkilotlarning ko‘pchiligi ortiqcha vaznga qarshi kurash bilan shug‘ullanadi.
Shuningdek, ekspertlar ochiq ma’lumotlarga asoslanib aniqlashicha, Coca-Cola va PepsiCo’ni sog‘liqni saqlash sohasidagi 29 ta qonunga qarshi lobbilashtirishgan.
Tadqiqotda qayd etilishicha, 2011—2014-yillarda Coca-Cola ushbu maqsadlar uchun 6 million dollar, PepsiCo esa 3 million dollarga yaqin mablag‘ sarflagan.
Izoh (0)