Moskvada barcha mahsulotlari 50 rubldan sotiladigan qahvaxona ochiladi
Rossiyaga Isroilning narxlari qat’iy belgilangan Cofix qahvaxonalari tarmog‘i kirib keladi, deya xabar bermoqda Afisha Daily. Ularda har qanday yegulik yoki ichimlik 50 rubldan sotiladi.
Moskvadagi birinchi muassasa kelasi hafta “Oxotniy Ryad” savdo markazida ochiladi. Bu ichkarisida bir-ikkita stollari bo‘lgan va qahvani o‘zi bilan olib ketish mumkin bo‘lgan kichik vagoncha bo‘ladi. 50 rubllik qahvadan tashqari, bu yerda maffin, smuzi va salatlar, shuningdek, sirniki va sho‘rvalar sotib olish mumkin bo‘ladi.
Rasmiy “afsona”ga ko‘ra, Cofix g‘oyasi uning asoschisi Avi Katsga u oddiy yoqilg‘i quyish shoxobchasida ikki chashka qahva, saqich va keksdan iborat buyurtmaga 50 shekellik kupyura bilan to‘lovni amalga oshira olmagach, kelgan. 2013-yilda u belgilangan narxli qahvaxonalar tarmog‘iga asos solgan, u yerda har qanday mahsulot besh shekel turgan. Ikki yil ichida tarmoq ichidagi qahvaxona, bar va do‘konlar soni 150 tagacha yetdi.
