Зика вируси келгусида бутун Осиё-Тинч океани минтақасига тарқалиши мумкин. Бу ҳақда 10 октябрь, душанба куни Жаҳон соғлиқни сақлаш ташкилоти (ЖССТ) маълум қилди, дея хабар беради «Интерфакс».
«Минтақада Зика вируси билан боғлиқ янги ҳолатлар ва эпидемия тарқалиши эҳтимоли юқори», — дейилади ташкилот ҳисоботида.
ЖССТ раҳбари Маргарет Чанга кўра, минтақа давлатлари раҳбарлари ҳозирга қадар вакцина топилмаган Зика вируси хуружидан жиддий хавотир билдирмоқда.
Маълумот учун, Зика вируси дунёнинг 70 мамлакатида қайд этилди, улардан 19 таси Осиё-Тинч океани минтақасида жойлашган.
Изоҳ (0)