Россия-Туркия алоқалари яхшиланишда давом этади. Бундай баёнотни Туркия президенти Ражаб Тоййиб Эрдўғон Россия президенти Владимир Путин билан музокаралар якунлари бўйича қўшма матбуот анжуманида айтиб ўтди, деб ёзади «ТАСС».
«Туркия-Россия муносабатларининг нормаллашиш жараёни тўлиқ кўламда давом этишига тўлиқ ва бутунлай ишонаман», — деди у.
Туркия президенти, шунингдек, икки мамлакат алоқалари ривожланиши ва «жуда кўплаб хилма-хил соҳалар»ни қамраб олишини қўшимча қилди. «Ҳам мудофаа саноати, ҳам савдо-иқтисодий ва икки томонлама алоқаларга боғлиқ бўлган бошқа барча соҳаларни», — дея санаб ўтди Эрдўғон.
Эслатиб ўтамиз, Россия президенти Владимир Путин Бутунжаҳон энергетика конгрессида иштирок этиш мақсадида Истанбулга ташриф буюрди. Ташриф доирасида у Туркия президенти Ражаб Тоййиб Эрдўғон билан учрашди ва «Туркия оқими» газ қувури лойиҳаси бўйича ҳукуматлараро битим имзолади.
Изоҳ (0)