BMT Aleppodagi vayronaliklar aks etgan sun’iy yo‘ldosh fotosuratlarini e’lon qildi

BMT sun’iy yo‘ldoshdan olingan, Suriyaning Aleppo shahriga sentabr o‘rtalaridan buyon berilgan zarbalar oqibatlari aks etgan fotosuratlarni e’lon qildi. Bu haqda, AP’ga asoslanib, “Interfaks” xabar bermoqda.

BMT O‘quv va ilmiy-tadqiqot instituti qoshidagi UNOSAT tadqiqot dasturi xodimi Lars Bromli harbiy harakatlar chog‘ida vayron bo‘lgan hududlarga bundan-da kattaroq zarar yetkazilganini ma’lum qildi.

BMT bu suratlarni AQSh Davlat departamenti bilan kelishuv asosida Digital Globe sun’iy yo‘ldoshlar tijoriy operatoridan oldi.