BMT bosh kotibi Pan Gi Mun Hindiston va Pokistonni zudlik bilan ikki mamlakat chegarasi bo‘lib xizmat qiladigan nazorat chizig‘idagi vaziyat keskinlashuviga yo‘l qo‘ymaslik choralarini ko‘rishga chaqirdi. Bu haqda “TASS” xabar bermoqda.
30-sentabr, juma kuni e’lon qilingan bayonotda bosh kotib jangarilar tomonidan Hindistonning Jammu va Kashmir shtatidagi harbiy bazasiga uyushtirilgan hujumdan so‘ng mazkur hududda o‘t ochishni to‘xtatish tartibi buzilayotgani haqidagi xabarlardan xavotir bildirdi.
“Bosh kotib ikki tomonni ham imkon qadar o‘zini tiyish va zudlik bilan vaziyatni o‘nglash uchun qadam tashlashga chaqiradi. U Pokiston va Hindiston hukumatlarini yechilmagan, jumladan, Kashmir bilan bog‘liq masalalarni tinchlik yo‘li bilan, diplomatiya va muloqot yordamida bartaraf etishga da’vat etmoqda”, — deyiladi bayonotda.
Pan Gi Mun, Islomobod va Nyu-Dehli bunga qiziqish bildirgan taqdirda, BMT ikki davlat o‘rtasida vositachilik vazifasini o‘tashga tayyor ekanligini ma’lum qildi.
Izoh (0)