AQSh prezidentligiga Demokratlar partiyasidan nomzod Hillari Klinton raqibi — Respublikachilar partiyasi vakili Donald Trampdan amerikalik saylovchilar o‘rtasida mashhurlik bobida yana o‘zib ketdi, deya xabar bermoqda “TASS”.
Ipsos xalqaro sotsiologiya markazi Reuters agentligi bilan hamkorlikda o‘tkazgan va natijalari 30-sentabr, juma kuni e’lon qilingan yangi umummilliy so‘rov shundan dalolat bermoqda.
23—29-sentabr kunlari o‘tkazilgan so‘rov natijalariga ko‘ra, noyabrda bo‘lib o‘tadigan prezidentlik saylovlarida Klinton uchun respondentlarning 43 foizi, Tramp uchun esa 38 foizi ovoz berishga tayyor.
Shu tariqa, sobiq davlat kotibi milliarderdan 5 foiz oldinda bormoqda.
Ipsos va Reuters ma’lumotlariga ko‘ra, o‘tgan hafta oxirida bu farq Klinton foydasiga 4 foizni tashkil etayotgan edi.
Izoh (0)