1-oktabr, shanbaga o‘tar kechasi Kashmirdagi Hindiston va Pokistonni ajratib turuvchi nazorat chizig‘ida yana otishma yuz berdi. Bu haqda ikki tarafdagi harbiy manbalar ma’lum qildi, deya xabar beradi “Interfaks”.
Qurbonlar va jabrlanganlar to‘g‘risida hozircha ma’lumot yo‘q.
Kashmirdagi vaziyat 18-sentabr kuni chegaradagi hind harbiylariga terrorchilar hujum qilib, 18 kishini o‘ldirganidan so‘ng murakkablashdi. Hindiston tomoni bunda Pokistonni aybladi. Mazkur hodisadan so‘ng nazorat chizig‘ida bir necha bor otishmalar yuz bergandi.
Eslatib o‘tamiz, oldinroq Pan Gi Mun, Islomobod va Nyu-Dehli bunga qiziqish bildirgan taqdirda, BMT ikki davlat o‘rtasida vositachilik vazifasini o‘tashga tayyor ekanligini ma’lum qilgandi.
Izoh (0)