Кашмирдаги Ҳиндистон ва Покистонни ажратиб турувчи назорат чизиғида яна отишма юз берди

1 октябрь, шанбага ўтар кечаси Кашмирдаги Ҳиндистон ва Покистонни ажратиб турувчи назорат чизиғида яна отишма юз берди. Бу ҳақда икки тарафдаги ҳарбий манбалар маълум қилди, дея хабар беради «Интерфакс».

Қурбонлар ва жабрланганлар тўғрисида ҳозирча маълумот йўқ.

Кашмирдаги вазият 18 сентябрь куни чегарадаги ҳинд ҳарбийларига террорчилар ҳужум қилиб, 18 кишини ўлдирганидан сўнг мураккаблашди. Ҳиндистон томони бунда Покистонни айблади. Мазкур ҳодисадан сўнг назорат чизиғида бир неча бор отишмалар юз берганди.

Эслатиб ўтамиз, олдинроқ Пан Ги Мун, Исломобод ва Нью-Деҳли бунга қизиқиш билдирган тақдирда, БМТ икки давлат ўртасида воситачилик вазифасини ўташга тайёр эканлигини маълум қилганди.