Rossiya BMT Xavfsizlik kengashi raisligiga kirishdi

Rossiya 1-oktabr, shanba kunidan e’tiboran BMT Xavfsizlik kengashini boshqaradi. Bu haqda “Vedomosti” xabar bermoqda.

Kengashning Rossiya raisligidagi birinchi yig‘ilishi 3-oktabrda bo‘lib o‘tadi va unda oktabrdagi ishlar dasturi tasdiqlanadi.

Hozirda muhokama uchun asosiy mavzular tariqasida Afrikadagi mojarolar: Sudan, Kongo Demokratik Respublikasi, Mali, Markaziy Afrika Respublikasi, Janubiy Sudandagi vaziyat, shuningdek, Yaqin Sharq — Suriya, Livan va Yamandagi holat kun tartibida turibdi.

28-oktabrda bo‘lib o‘tadigan BMTning mintaqaviy tashkilotlar, jumladan, ShHT bilan aloqalariga bag‘ishlangan muhokamalar Rossiya raisligidagi asosiy tadbir sifatida ko‘rilmoqda.

Qolaversa, oktabrda BMTning yangi bosh kotibini saylash jarayoni yakunlanishi kutilmoqda.