Fransiya prezidenti Fransua Olland mamlakatning sobiq prezidentlarini ta’minlash uchun sarflanadigan xarajatlarni qisqartirish niyatida. Bu haqda “TASS” xabar bermoqda.
Amaldagi tartibga ko‘ra, Fransiyaning sobiq prezidenti davlat tomonidan yiliga 65 ming yevro mablag‘, qo‘riqchilari va xizmat ko‘rsatuvchi xodimlari bo‘lgan davlat xonadoni bilan ta’minlanadi.
U yollashi mumkin bo‘lgan 7 nafar kotib va yordamchining ish haqi to‘lab beriladi. Bularning barchasi davlatga yiliga 10,3 million yevroga tushadi.
Ollandning dekreti kelgusi hafta boshida qabul qilinishi kutilmoqda. U ortga qaytish kuchiga ega emas, ya’ni, mazkur yangi tartib amal qiladigan birinchi prezident Ollandning o‘zi bo‘ladi.
Izoh (0)