Dunyodagi eng baxtli shahardan fotoreportaj

Janubiy Koreya poytaxti Seul — dunyodagi eng baxtli shahar, deb yozadi AdMe.

Qayerda istiqomat qilish afzal ekanligini aniqlash uchun jahonning 100 ta yirik shahrini o‘rganib chiqqan Arcadis loyiha-konsalting firmasi shunday xulosaga keldi.

Seulda daromadlar o‘rtasidagi farq ko‘rsatkichi juda kichik, jinoyatchilik minimal darajada, aholi esa mustahkam salomatligi bilan ajralib turadi.

Seul mahalliy aholi ham, xorijlik mehmon ham kunu tun o‘zini bexatar his etishi mumkin bo‘lgan kamsonli megapolislardan biri. Vaholanki, shaharda 10 million odam istiqomat qiladi.

Janubiy Koreya hukumati fuqarolarning salomatligi va ta’lim olishi borasida qayg‘uradi. Bu sohalardagi yuqori ko‘rsatkichlar Seulning dunyo shaharlari orasida birinchi o‘ringa ko‘tarilishiga imkon berdi.

So‘nggi paytlarda Seul asta-sekin “aqlli shahar”ga aylanib bormoqda. Kamxarj fuqarolar shaharning yuqori tezlikdagi simsiz tarmoqlariga ulanish imkoniga ega bo‘lishi uchun ishlatilgan smart-qurilmalar bepul tarqatilmoqda.

Seulda intellektual videokuzatuv kameralari va yuqori texnologik ko‘cha chiroqlari yonma-yon o‘rnatilgan — bu chiroqlar nafaqat ko‘chani yoritadi, balki audioni translyatsiya qilish va internetga kirish imkonini ham beradi.