Франция президенти Франсуа Олланд мамлакатнинг собиқ президентларини таъминлаш учун сарфланадиган харажатларни қисқартириш ниятида. Бу ҳақда «ТАСС» хабар бермоқда.
Амалдаги тартибга кўра, Франциянинг собиқ президенти давлат томонидан йилига 65 минг евро маблағ, қўриқчилари ва хизмат кўрсатувчи ходимлари бўлган давлат хонадони билан таъминланади.
У ёллаши мумкин бўлган 7 нафар котиб ва ёрдамчининг иш ҳақи тўлаб берилади. Буларнинг барчаси давлатга йилига 10,3 миллион еврога тушади.
Олланднинг декрети келгуси ҳафта бошида қабул қилиниши кутилмоқда. У ортга қайтиш кучига эга эмас, яъни, мазкур янги тартиб амал қиладиган биринчи президент Олланднинг ўзи бўлади.
Изоҳ (0)