O‘zbekiston tashqi ishlar vaziri Abdulaziz Komilov 28-sentabr kuni Fransiyaning yangi tayinlangan elchisi Violen Biyet de Vilmorni qabul qildi. Bu haqda TIV matbuot xizmati xabar bermoqda.
Xabar berishlaricha, elchi vazirga ishonch yorliqlari nusxalarini topshirgan.
Suhbat chog‘ida O‘zbekiston va Fransiya o‘rtasida siyosiy, savdo-iqtisodiy va boshqa sohalarda samarali hamkorlik barpo etilganligi hamda turli daraja va yo‘nalishlarda muntazam aloqalar o‘rnatilganligi ta’kidlandi.
“Muloqot davomida Fransiya elchixonasining yangi rahbari O‘zbekistonga mamlakatlar o‘rtasidagi serqirra aloqalarni yanada rivojlantirishga hissa qo‘shish maqsadida kelganligini ta’kidladi”, — deyiladi TIV axborotida.
Izoh (0)