24-sentabr kuni poytaxt markazida joylashgan “Amir Temur” yangi zamonaviy turar-joy majmuasining ochilish marosimi bo‘lib o‘tdi. Yaqin oraliqda yuzasi 50 dan 200 m2 gacha bo‘lgan xonadonlarga 59 oila ko‘chib o‘tadi.
Eng zamonaviy texnologiyalar asosida qurilgan “Amir Temur” turar-joy kompleksi ochilish marosimiga 150 dan ortiq mehmonlar: xonadonlarning egalari, madaniyat va san’at arboblari, rasmiy va biznes davralari vakillari va Murad Buildings’ning do‘stlari tashrif buyurdi.
Aytib o‘tish joizki, turar-joy majmuasi qurilishida mahalliy va shu bilan birga Germaniya, Yaponiya, Koreya, Rossiya va Xitoydagi eng sifatli qurilish mahsulotlari ishlatildi. Faqatgina eng yuqori sifat, nufuzli ishlab chiqaruvchilar va professional quruvchilar jamoasi.
Qulay va mustahkam xonadonlar bilan birga, majmuada bolalar maydonchasi, qo‘riqlanadigan avtomobil turar joyi va boshqa ijtimoiy infratuzilma obyektlari mavjud. “Amir Temur” kompleksining birinchi qavati yaqin atrofda istiqomat qiluvchi aholi uchun qulay xizmat ko‘rsatish bo‘limlariga ajratilgan: dorixonalar, sport markazi, go‘zallik saloni, turli do‘kon va kafelar.
Ko‘chmas mulk bozorida 15 yildan ortiq faoliyat ko‘rsatish davomida, kompaniyaning eng ustuvor jihati sifat hisoblanadi. Natijada, oxirgi 2—3 yil ichida umumiy maydoni 50 ming metr kvadratdan ziyod binolar qurildi. Bu yilgi rejalarga yana 3 turar-joy majmuasi va 2 ta tijorat binolari qurilishi kiritilgan. Istiqbolda, bu – 250 dan ortiq oilalar uchun yangi xonadonlar va har tomonlama qulay ma’muriy va ofis majmualari.
Ochilish marosimiga estrada va kino yulduzlari, jumladan Munisa Rizayeva, Sardor Rahimxon, Izzatilla Ibrohimov, Rashid Xoliqov va Ra’no Shodiyeva tashrif buyurdi.
G‘oya muallifi va kompaniya rahbari Murod Nazarov ta’kidlab o‘tganidek, “Majmua yurtimiz Mustaqilligining 25 yilligi arafasida qurib bitkazildi. Va bu ramziy sana. ‘Amir Temur’ biz uchun alohida o‘rin kasb etadi, va buning bir necha sabablari bor. Majmua poytaxtimizning markazida joylashgan bo‘lib, uning qurilishiga nafaqat bizning, balki har bir uy egalarining mehri singdirilgan. Xonadonlarning bo‘lajak egalari o‘z g‘oya va takliflari, ishonchi bilan bizni qo‘llab-quvvatladilar! Biz loyihalash davomida bu obyektning chiroyi, qulayligi va mustahkamligi haqidagi tasavvurlarimiz, qizg‘in ish jarayonini eslagan holda, hozirgi natijani ko‘rib chuqur faxr tuyg‘usini his qilyapman. Bu loyiha orzu qilish, yuksak marralarni ko‘zlash kerakligini yana bir bor isbotlaydi. Zero, bizning eng samimiy orzularimiz ro‘yobga chiqadi!”.
Shuningdek, ochilish marosimi jarayonida tashkilotchilar tomonidan sovg‘ali tanlovlar o‘tkazildi: xonadonlar yashovchilari uy uchun kerakli maishiy texnika va boshqa foydali sovg‘alarga ega bo‘ldi. Murad Buildings asoschisi Murod Nazarov yangi majmuani loyihalash, qurish va bezatishga o‘z hissasini qo‘shgan barcha hamkasblarini taqdirladi.
Izoh (0)