Европа Иттифоқи халқаро ҳамжамиятни муҳожирлар муаммосини ҳал этишда, , масала умумжаҳон миқёсда бўлгани сабаб, глобал ҳамкорликка чақиради. Бу ҳақда иттифоқнинг ташқи сиёсат ва хавфсизлик масалалари бўйича олий вакили Федерика Могерини БМТ Бош Ассамблеяси 71-сессиясидаги чиқиши чоғида айтиб ўтди, дея хабар беради «Интерфакс».
«Бизга глобал ҳолат билан курашиш учун глобал ҳамкорлик зарур. Муҳожирлик доим бўлган, буни бу ерда иштирок этаётган айрим давлатлар жуда яхши билади. Евроиттифоқ Африкадаги бешта давлат билан бу борада шерикликни шакллантириш устида иш бошлади», — дея таъкидлади Могерини.
Олий вакил Еврокомиссия Африка, Яқин Шарқ ва Шимолий Африка учун инвестициялар режаси доирасида 44 миллиард еврони сафарбар этганини эслатиб ўтди.
Мазкур маблағ беқарорлик ҳукм сураётган давлатларга хусусий инвестицияларни жалб этишни рағбатлантиришга йўналтирилади.
Изоҳ (0)