Buyuk Britaniya harbiy-havo kuchlari 22-sentabr, payshanba kuni Rossiyaning ikki Tu-160 bombardimonchi samolyotini tutib qoldi. Bu haqda mamlakat Mudofaa vazirligi ma’lum qildi, deya xabar beradi “RBK”.
“Tezkor navbatchilikda bo‘lgan va Lossimut aviabazasidan ko‘tarilgan Typhoon samolyotlari Rossiyaning ikki Tu-160 bombardimonchisini tutib qoldi va ularni Buyuk Britaniya manfaatlari doirasidagi hududlardan chiqib ketgunicha kuzatib bordi. Rossiya samolyotlari Britaniya havo kengliklariga kirmadi”, — deyiladi xabarda.
Shuningdek, vazirlik Twitter’da ushbu Rossiya samolyotlarining fotosuratlarini ham joylashtirdi.
Ma’lumot uchun, Buyuk Britaniyada 2016-yil fevralida ham Rossiya havo kemalari bilan bog‘liq shunday holat qayd etilgan edi. 2015-yili esa bunday hodisalar 3 marta sodir bo‘ldi.
Izoh (0)