O‘zbekiston tashqi ishlar vaziri Abdulaziz Komilov 22-sentabr kuni Nyu-York shahrida AQSh davlat kotibining siyosiy masalalar bo‘yicha o‘rinbosari Tomas Shennon bilan uchrashdi. Bu haqda O‘zbekiston TIV matbuot xizmati xabar bermoqda.
Vazir O‘zbekistonning Birinchi Prezidenti Islom Karimovning vafoti munosabati bilan AQSh prezidenti Barak Obama bildirilgan hamdardlik uchun O‘zbekiston rahbariyati nomidan AQSh tomoniga minnatdorchilik bildirdi.
Muloqot chog‘ida O‘zbekiston—AQSh kun tartibining dolzarb masalalari va munosabatlarni yanada rivojlantirish istiqbollari yuzasidan fikr almashilgan.
“Uchrashuvda ba’zi xalqaro va mintaqaviy muammolar ham muhokama qilindi”, — deyiladi vazirlik axborotida.
Izoh (0)