O‘zbekiston tashqi ishlar vaziri Abdulaziz Komilov boshchiligidagi delegatsiya 22-sentabr kuni Nyu-Yorkda Islom hamkorlik tashkiloti (IHT)ga a’zo davlatlar tashqi ishlar vazirlarining Muvofiqlashtiruvchi uchrashuvida ishtirok etdi. Bu haqda O‘zbekiston TIV matbuot xizmati xabar bermoqda.
O‘zbekiston tomoni tashqi siyosat idoralari rahbarlariga 2016-yilning oktabr oyida Toshkent shahrida bo‘lib o‘tadigan IHT Tashqi ishlar vazirlari kengashining 43-sessiyasiga tayyorgarlik ko‘rish jarayoni haqida, jumladan, muhokama qilinadigan masalalar hamda bo‘lajak forumning dasturi va boshqa amaliy jihatlari to‘g‘risida ma’lumot berdi.
Ma’lumot uchun, Abdulaziz Komilov boshchiligidagi O‘zbekiston delegatsiyasi BMT Bosh Assambleyasining 71-sessiyasi ishida ishtirok etish uchun AQShning Nyu-York shahrida tashrif bilan bo‘lib turibdi.
Izoh (0)