Buyuk Britaniya markazidagi Lids shahri yaqinida tashlab yuborilgan oziq-ovqat mahsulotlari sotiladigan birinchi do‘kon ochildi. Bu haqda “RBK” xabar bermoqda.
Real Junk Food Project loyihasi doirasida ochilgan do‘kon-omborda supermarket va korxonalar tashlab yuboradigan mahsulotlarni xarid qilish mumkin.
Ular uchun xaridorlar o‘zlari lozim topgan miqdorda haq to‘lashi mumkin. Shu tariqa do‘kon egalari farzandlarini boqishga qiynalayotgan qashshoq oilalarga ko‘mak berishga umid qilmoqda.
Real Junk Food Project loyihasi asoschisi Adam Smit bunday do‘konlarni Buyuk Britaniyaning har bir shahrida ochishni rejalashtirayotganini ma’lum qildi.
Do‘konlar maktablarga ham mahsulot yetkazib beradi: o‘quv yurtlariga ehtiyojdan ortgan non, meva-sabzavot va sut mahsulotlari jo‘natiladi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)