Afg‘oniston sharqidagi Nangarhor viloyatida mamlakat harbiy-havo kuchlari aviazarbasi natijasida IShIDning 29 nafar jangarisi o‘ldirildi. Bu haqda “TASS” xabar bermoqda.
Khaama Press axborotiga ko‘ra, IShIDning Xaska Mina, Kot va Achin tumanlaridagi marralariga zarbalar berilgan. Mahalliy aholi va xavfsizlik kuchlari xodimlari operatsiya chog‘ida jabrlanmagani bildirilmoqda.
Nangarhor viloyatida IShIDga qarshi harbiy amaliyotlar ikki oy avval boshlangan edi. AQSh qurolli kuchlari ham mazkur mintaqada aksilterror operatsiyalarni amalga oshirmoqda.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)