Qirg‘iziston prezidenti tibbiy ko‘rikdan o‘tish uchun ta’tilga chiqdi

Qirg‘iziston prezidenti Almazbek Atambayev tibbiy ko‘rikdan o‘tish uchun qisqa muddatli ta’til oldi, deya xabar bermoqda “TASS” davlat rahbari matbuot xizmatiga tayanib.

“Prezident bugundan boshlab qisqa muddatli ta’tilga chiqdi, bu puxta tibbiy ko‘rikdan o‘tish zaruriyati bilan bog‘liq”, — dedi matbuot xizmatidagilar. Uning xodimlari so‘zlariga ko‘ra, Atambayev Bishkekka qaytib kelib, taxminan 1-oktabr kuni ishga tushadi. “Davlat rahbarining sog‘lig‘i hech qanday xavfni keltirib chiqarmaydi”, — deya ta’kidladi matbuot xizmatidagilar.

Salomatligi bilan bog‘liq muammolar tufayli, Atambayev Nyu-Yorkka ishchi tashrifini bekor qildi, u yerda u BMT Bosh Assambleyasi sessiyasida umumiy munozaralarda qatnashmoqchi edi.

Davlat rahbari AQShga parvoz qilayotib, Istanbulning Otaturk nomidagi aeroportiga qo‘nganida mazasi qochib qoldi. Aeroportning o‘zidayoq u dastlabki ko‘rikdan o‘tkazildi va “yurak bilan bog‘liq muammo simptomlari” aniqlandi. Turkiyalik shifokorlar Atambayevga chuqurlashtirilgan tibbiy ko‘rikdan o‘tishni tavsiya qildi.