17-sentabr, shanba kuni Toshkentda O‘zbekiston “Adolat” sotsial-demokratik partiyasining VI-plenumi bo‘lib o‘tdi. Unda 4-dekabrda bo‘lib o‘tadigan O‘zbekiston Prezidenti saylovida partiya ishtiroki masalalari muhokama qilindi. Bu haqda partiya matbuot xizmati ma’lum qildi, deya xabar bermoqda “Gazeta.uz”.
Plenumda partiyaning navbatdagi VIII-qurultoyida Siyosiy kengash raisi, Oliy Majlis Qonunchilik palatasida “Adolat” fraksiyasi rahbari Narimon Majidovich Umarov nomzodi ilgari surilishi tasdiqlandi.
Partiya Siyosiy kengashi plenumida so‘zga chiqqanlar bo‘lg‘usi Prezidentlikka nomzodning zarur hayotiy tajribaga egaligi, partiya a’zolari o‘rtasida hurmat-e’tibor qozongani va saylovda ishtirok etish uchun munosib nomzod ekanini ta’kidlab o‘tdi.
O‘zbekiston “Adolat” sotsial-demokratik partiyasining VIII-qurultoyi 15-oktabrda bo‘lib o‘tadi.
Izoh (0)