O‘zbekiston Prezidentligiga dastlabki nomzodlar, AQShga jo‘nab ketgan Abdulla Oripov, O‘zbekistonda 10 foizgacha arzonlashgan eski iPhone’lar va kunning boshqa muhim yangiliklari

16-sentabrning e’tiborga molik yangiliklari — “Daryo”ning kechki dayjestida.

1. O‘zbekiston Prezidentligiga dastlabki nomzodlar: “Milliy tiklanish”dan Sarvar Otamurodovni, “O‘zLiDeP”dan esa Shavkat Mirziyoyevni nomzod sifatida ilgari surishmoqchi.

2. Toshkentdagi Bunyodkor va Muqimiy ko‘chalari kesishuvida yangi ko‘prik qurilishi boshlandi. Shahar hokimligi yo‘l harakatida yuzaga kelishi mumkin bo‘lgan cheklanishlar hamda tirbandliklar haqida ogohlantirdi va noqulayliklar uchun oldindan uzr so‘radi.

3. O‘zbekiston xalq shoiri Abdulla Oripov sog‘lig‘ini tiklash uchun AQShga uchib ketgani ma’lum qilindi. Abdulla Oripov sog‘lig‘ini tiklash va yanada mustahkamlash uchun AQShga uchib ketgan.

4. iPhone 7 taqdimotidan keyin O‘zbekistonda avvalgi iPhone’lar 10 foizgacha arzonlashdi. Yangi iPhone 7 va 7 Plus smartfonlari AQSh va yana o‘nlab mamlakatlarda 16-sentabrdan sotuvga chiqadi.

5. Amerika hukumati Samsung Galaxy Note 7’ni qaytarib olishni talab qildi. Iste’molchilar 2016-yil 15-sentabrgacha sotib olingan Galaxy Note 7 qurilmalaridan foydalanishni zudlik bilan to‘xtatishi va quvvatini o‘chirib qo‘yishi kerak.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.