17-sentabr kuni butun O‘zbekiston bo‘ylab kuchli shamollar kuzatiladi

O‘zbekistonning ba’zi hududlarida 17-sentabr, shanba kuni qisqa muddatli yomg‘ir yog‘ishi mumkin. Bu haqda “O‘zgidromet” markazi xabar bermoqda.

Xabar berishlaricha, 17-sentabrga o‘tar kechasi O‘zbekistonning tog‘li hududlari, Qoraqalpog‘iston Respublikasi va Xorazm viloyatida havo harorati +10...+15 daraja, Qashqadaryo va Surxondaryo viloyatlarida +15...+20 daraja, qolgan barcha hududlarda, xususan, Toshkent shahrida +13...+18 daraja iliq bo‘ladi.

Shanba kuni kunduzi mamlakatning tog‘li joylarida havo harorati +16...+21 daraja, Qoraqalpog‘iston Respublikasi va Xorazm viloyatida +22...+27 daraja iliq, Toshkent shahrida +30...+32 daraja, Qashqadaryo va Surxondaryo viloyatlarida +30...+35 daraja, qolgan barcha hududlarda +28...+33 darajagacha issiq bo‘lishi kutilmoqda.

17-sentabrga o‘tar kechasi va 17-sentabr kuni kunduzi O‘zbekistonning barcha hududlarida shamol tezligi soniyasiga 17—20 metrgacha kuchayishi mumkin, mamlakatning tog‘li hududlari, Qoraqalpog‘iston Respublikasi va Xorazm viloyatida qisqa muddatli yomg‘ir yog‘ishi ehtimoli bor.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.