Beninning iqtisodiy poytaxti — Kotonu shahridagi chiqindixonada yuz bergan portlash oqibatida qariyb 100 kishi halok bo‘ldi, yana 200 dan ortiq odam tan jarohati olgan. Bu haqda “Sinxua” agentligi xabar bermoqda.
Mahalliy Canal3 telekanali xabariga ko‘ra, hodisa Kotonudan 20 kilometr shimoldagi chiqindi poligonida yuz bergan. Ma’lum bo‘lishicha, portlashga avvalroq to‘la yonib ulgurmagan “buzilgan un” sabab bo‘lgan.
Bojxonachilar tomonidan musodara qilinib, chiqindi poligoniga tashlab ketilgan unni olib ketish uchun mahalliy aholi kelgani sabab qurbonlarning soni keskin ko‘payib ketgan.
“China.org.cn”ning yozishicha, ularning soni yanada ko‘payishi mumkin, chunki aksariyat jabrlanuvchilarning ahvoli og‘ir.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)