Sir emaski, ba’zi xaridorlar texnika mahsulotlarini — xorijiy do‘konlardagi narxning pastligiga asoslanib, ayni vaqtda, mahsulot bilan bog‘liq ehtimoliy muammolarni bila turib — xorijda sotib olishadi. Boshqalar esa qimmatbaho texnikani ortiqcha xavotirlarsiz sotib olishni istaydi va shu maqsadda tegishli sifat kafolatiga ega bo‘lgan va kafolat xizmati bo‘yicha xaridorning qonuniy talablari himoyasini ta’minlaydigan, qonuniy yo‘l bilan import qilingan, ya’ni, “toza” mahsulotni izlaydi.
Mahalliy bozordan mahsulot xarid qilayotgan xaridorlar ko‘p hollarda “noqonuniy” mahsulot va sotuvchilarning hiylasi bilan to‘qnash kelishi mumkinligini xayoliga ham keltirmaydi. Xaridorlarni himoya qilish maqsadida, mazkur maqolada Canon’ning kafolatli ko‘magiga ega qonuniy import qilingan mahsulotlarni tanlashning asosiy shartlari haqida imkon qadar batafsil so‘z yuritiladi.
Canon kompaniyasi o‘z mahsulotlarini tarqatish bo‘yicha hududiy taqsimot uslubidan foydalanadi va O‘zbekiston mazkur taqsimotda Canon CEE (Central Eastern Europe — Canon Sharqiy Yevropa) hududiga kiradi. Mazkur hudud bo‘yicha Canon mahsulotlarining qanday o‘ziga xosligi bor?
1) Mahsulot qadog‘ida seriya raqamining bo‘lishi:
Qadoqning maxsus ajratilgan qismida mahsulotning seriya raqami yozilgan oq stiker bo‘lishi kerak. Agar bu stiker bo‘lmasa yoki tashqi ta’sir natijasida zararlangan bo‘lsa, mahsulot kafolatli hisoblanmaydi, xaridor xarid vaqtida mazkur jihatga e’tibor qaratishi lozim.2) “Official Warranty” stikeri:
“Official Warranty” stikeri Canon mahsulotida kafolatli xizmat borligini aniqlash bo‘yicha qo‘shimcha chora hisoblanadi. Mazkur stiker mahsulot rasmiy distributsiya va chakana savdo kanallari orqali realizatsiya qilinganini bildiradi.3) Rus tilida tayyorlangan Foydalanish bo‘yicha yo‘riqnoma va dasturiy ta’minotning bo‘lishi:
Yo‘riqnoma va dasturiy ta’minot boshqa tillarda ham bo‘lishi mumkin, biroq rus tilidagi versiyasi bo‘lishi shart. Ushbu komplektatsiya mahsulotning CEE (Sharqiy Yevropa) hududiga mansubligini bildiradi. Asosiy yo‘riqnoma sifatli bosmadan chiqarilgan bo‘lishi lozim. Agar sotuvchi bosma yo‘riqnoma boshqa tilda yozilgani, biroq diskda ruscha yo‘riqnoma ham borligini aytsa, u holda mazkur mahsulotning “qora bozor”dan sotib olingani aniq.4) Kafolat talonining bo‘lishi:
Kafolat taloni mahsulotning boshqa hujjatlari qatori quti ichida bo‘lishi shart. Rus, qozoq va ukrain tillarining bo‘lishi qarshingizda kafolatli mahsulot turganini bildiruvchi birinchi belgi, biroq har doim ham hal qiluvchi emas. Chunki ba’zida dilerlar kafolatli xizmatga tushmaydigan mahsulotni sotayotganda shunday talonlarni ko‘rsatib, mahsulotning O‘zbekiston hududida rasmiy kafolati borligi haqida bong urishi mumkin. Bunday holatlarda yuqorida ko‘rsatilgan 1, 2 va 3-bandlar bo‘yicha yo‘l tutish lozim.Xaridni rasmiylashtirish vaqtida sotuvchi kafolat taloniga mahsulot nomi, seriya raqami, xarid sanasi, savdo tashkiloti nomi va uning manzilini yozishi, shuningdek, savdo tashkiloti vakili yoki sotuvchining muhri va imzosini qo‘yishi kerak.
Canon kompaniyasi qonuniy yo‘l bilan yetkazib berilayotgan barcha mahsulotlari uchun kafolat beradi. Kafolat mudddati davomida ko‘rsatilgan mahsulot uchun Yo‘riqnomada sanab o‘tilgan Xizmat ko‘rsatish markazlarida, Canon’ning belgilangan namunadagi va to‘g‘ri to‘ldirilgan Kafolat talonini ko‘rsatgan holda, bepul servis xizmatidan foydalanish mumkin.
Reklama huquqi asosida
Izoh (0)