Сир эмаски, баъзи харидорлар техника маҳсулотларини — хорижий дўконлардаги нархнинг пастлигига асосланиб, айни вақтда, маҳсулот билан боғлиқ эҳтимолий муаммоларни била туриб — хорижда сотиб олишади. Бошқалар эса қимматбаҳо техникани ортиқча хавотирларсиз сотиб олишни истайди ва шу мақсадда тегишли сифат кафолатига эга бўлган ва кафолат хизмати бўйича харидорнинг қонуний талаблари ҳимоясини таъминлайдиган, қонуний йўл билан импорт қилинган, яъни, «тоза» маҳсулотни излайди.
Маҳаллий бозордан маҳсулот харид қилаётган харидорлар кўп ҳолларда «ноқонуний» маҳсулот ва сотувчиларнинг ҳийласи билан тўқнаш келиши мумкинлигини хаёлига ҳам келтирмайди. Харидорларни ҳимоя қилиш мақсадида, мазкур мақолада Canon’нинг кафолатли кўмагига эга қонуний импорт қилинган маҳсулотларни танлашнинг асосий шартлари ҳақида имкон қадар батафсил сўз юритилади.
Canon компанияси ўз маҳсулотларини тарқатиш бўйича ҳудудий тақсимот услубидан фойдаланади ва Ўзбекистон мазкур тақсимотда Canon CEE (Central Eastern Europe — Canon Шарқий Европа) ҳудудига киради. Мазкур ҳудуд бўйича Canon маҳсулотларининг қандай ўзига хослиги бор?
1) Маҳсулот қадоғида серия рақамининг бўлиши:
Қадоқнинг махсус ажратилган қисмида маҳсулотнинг серия рақами ёзилган оқ стикер бўлиши керак. Агар бу стикер бўлмаса ёки ташқи таъсир натижасида зарарланган бўлса, маҳсулот кафолатли ҳисобланмайди, харидор харид вақтида мазкур жиҳатга эътибор қаратиши лозим.2) «Official Warranty» стикери:
«Official Warranty» стикери Canon маҳсулотида кафолатли хизмат борлигини аниқлаш бўйича қўшимча чора ҳисобланади. Мазкур стикер маҳсулот расмий дистрибуция ва чакана савдо каналлари орқали реализация қилинганини билдиради.3) Рус тилида тайёрланган Фойдаланиш бўйича йўриқнома ва дастурий таъминотнинг бўлиши:
Йўриқнома ва дастурий таъминот бошқа тилларда ҳам бўлиши мумкин, бироқ рус тилидаги версияси бўлиши шарт. Ушбу комплектация маҳсулотнинг CEE (Шарқий Европа) ҳудудига мансублигини билдиради. Асосий йўриқнома сифатли босмадан чиқарилган бўлиши лозим. Агар сотувчи босма йўриқнома бошқа тилда ёзилгани, бироқ дискда русча йўриқнома ҳам борлигини айца, у ҳолда мазкур маҳсулотнинг «қора бозор»дан сотиб олингани аниқ.4) Кафолат талонининг бўлиши:
Кафолат талони маҳсулотнинг бошқа ҳужжатлари қатори қути ичида бўлиши шарт. Рус, қозоқ ва украин тилларининг бўлиши қаршингизда кафолатли маҳсулот турганини билдирувчи биринчи белги, бироқ ҳар доим ҳам ҳал қилувчи эмас. Чунки баъзида дилерлар кафолатли хизматга тушмайдиган маҳсулотни сотаётганда шундай талонларни кўрсатиб, маҳсулотнинг Ўзбекистон ҳудудида расмий кафолати борлиги ҳақида бонг уриши мумкин. Бундай ҳолатларда юқорида кўрсатилган 1, 2 ва 3-бандлар бўйича йўл тутиш лозим.Харидни расмийлаштириш вақтида сотувчи кафолат талонига маҳсулот номи, серия рақами, харид санаси, савдо ташкилоти номи ва унинг манзилини ёзиши, шунингдек, савдо ташкилоти вакили ёки сотувчининг муҳри ва имзосини қўйиши керак.
Canon компанияси қонуний йўл билан етказиб берилаётган барча маҳсулотлари учун кафолат беради. Кафолат мудддати давомида кўрсатилган маҳсулот учун Йўриқномада санаб ўтилган Хизмат кўрсатиш марказларида, Canon’нинг белгиланган намунадаги ва тўғри тўлдирилган Кафолат талонини кўрсатган ҳолда, бепул сервис хизматидан фойдаланиш мумкин.
Реклама ҳуқуқи асосида
Изоҳ (0)