Apple korporatsiyasi Air Pods simsiz naushniklarni namoyish qildi, deb yozadi “Hi-tech.mail.ru”.
Ular smartfon, Apple Watch “aqlli” soati va boshqa barcha Apple qurilmalari bilan iCloud orqali birikkan holda ishlaydi. Ularni Siri ovozli yordamchi orqali boshqarish mumkin. Qurilma, shuningdek, suhbatlar uchun mikrofon funksiyasini ham bajaradi.
Naushniklar keys (quti) bilan birgalikda taqdim etiladi, u bir vaqtning o‘zida gadjetni zaryadlovchi uskuna hamdir. Naushniklar bir marta olgan quvvati bilan besh soatgacha ishlashi mumkin. Keysning o‘zi esa quvvatini bir kecha-kunduzga yetkaza oladi.
Eslatib o‘tamiz, Apple kompaniyasi yangi — iPhone 7 va 7 Plus smartfonlarini, shuningdek, Apple Watch 2 “aqlli” soatini rasman taqdim etdi.
Izoh (0)