Eron hukumati haj atrofidagi vaziyatga siyosiy tus bermoqda va Islom Respublikasi fuqarolari haj ziyoratiga borishini istamayapti. Bunday bayonot bilan Saudiya Arabistoni valiahd shahzodasi Muhammad bin Naif Al Saud chiqish qildi, deb yozadi “TASS”.
“Ziyoratchilar hajga borishini istamayotgan tomon — Eron hukumati”, — dedi u. Taxt vorisi Tehron Makka va Madinadagi muqaddas qadamjolarga ziyoratga siyosiy ruh berishga intilayotganini ta’kidladi.
“Qirollik boshqa ziyoratchilarga yaratilayotgan sharoitlarni eronliklarga ham taqdim etmoqda. Mavsum boshlanishiga qadar Eron haj missiyasi o‘z fuqarolari uchun boshqa mamlakatlar rioya qiladigan standartlardan farq qiluvchi alohida sharoitlarni talab etdi”, — deya aniqlik kiritdi Muhammad bin Naif.
Avvalroq Eron yetakchisi Oyatulloh Ali Xomanaiy muqaddas ziyoratgohlarni boshqarish tizimini qayta ko‘rib chiqishga chaqirgan va qirollikni haj ziyoratini tashkillashtirish borasida keskin tanqid qilgan edi.
Xomanaiy o‘tgan yili Mina vodiysida yuz berib, 800 kishining o‘limiga sabab bo‘lgan fojiani eslatib o‘tdi.
Izoh (0)