Нидерландиялик олимлар антибиотикларни болаликда қабул қилиш келажада аллергик касалликлар келиб чиқиши бўйича катта хавфни юзага келтиришини кўрсатиб берди, деб ёзади EurekAlert!
Олимлар 1966—2015 йилларда қилинган 22 та ишнинг метатаҳлилини ўтказди. Тадқиқот ҳаётнинг илк икки йили давомида антибиотиклар қабул қилиш келажакда дерматит ва пичан безгаги каби касалликлар юзага келишига таъсирига бағишланди.
Дерматит пайдо бўлиши рискларини ўрганиш учун жами 395 мингга яқин, пичан безгаги учун эса 257 мингдан зиёд киши танлаб олинди. 65 мингга яқин киши эса ҳар иккала касалликка эга эди.
Антибиотикларни болаликда қабул қилиш натижасида дерматит келиб чиқиш хавфи 15—41 фоиз бўлиб чиқди. Бундай ҳолатда пичан безгаги юзага келиши эҳтимоли 14—56 фоизни ташкил қилди.
Дерматит ва пичан безгаги каби аллергик касалликлар пайдо бўлишига, олимлар фикрича, антибиотиклар туфайли ичакдаги микроорганизмлар емирилиши сабабчи бўлади. Бу ўз навбатида иммун тизими пасайишига олиб келади, натижада у аллергиядан осон зарарланадиган бўлиб қолади.
Изоҳ (0)