Rossiya hamda Saudiya Arabistoni rasmiylari ushbu bozordagi harakatlarni muvofiqlashtirish to‘g‘risida birgalikda bayonot berishga tayyorlanayotgani haqidagi xabarlar tufayli neft narxi keskin ko‘tarildi. Bu haqda “RBK” ma’lum qildi.
5-sentabr, dushanba kuni ICE birjasida noyabrda yetkazib beriladigan Brent turidagi neft qiymati 5 foizdan oshiqroq qimmatlab, bir barreli uchun 49,38 dollarga yetdi.
Undan bir kun avval Vladimir Putin G20 sammiti doirasida Saudiya Arabistoni valiahd shahzodasi o‘rinbosari Muhammad bin Salmon bilan uchrashgan, shahzoda Saudiya Arabistoni va Rossiya o‘rtasidagi hamkorlik ikki mamlakatga ham “kelgusida neft bozoridagi voqealar rivojidan ko‘plab naf olishga erishish”ga imkon berishiga ishonch bildirgandi.
Izoh (0)