Shimoliy Koreya Yapon dengiziga qarata otgan ballistik raketalardan kamida bittasi Yaponiya havo hujumiga qarshi mudofaasining identifikatsiya hududiga kelib tushdi. Bu haqda Reuters Janubiy Koreya mudofaa vazirligi vakiliga tayanib xabar berdi, deb yozadi “RBK”.
Muassasa ma’lumotlariga ko‘ra, KXDR “Nodon” turidagi o‘rtacha masofaga uchadigan raketalar parvozini amalga oshirgan, ular 1000 kilometrga yaqin masofaga uchgan.
Koreya Respublikasi Qurolli kuchlari shtab boshliqlari birlashgan qo‘mitasidagilar ta’kidlashicha, o‘z xatti-harakatlari bilan KXDR Xitoyning Xanchjou shahrida bo‘lib o‘tayotgan G20 sammiti fonida “o‘z kuchiga shama” qilmoqda.
Avvalroq Shimol mahalliy vaqt bo‘yicha 12:14 atrofida (Toshkent vaqti bo‘yicha 08:14 da) Xvanxe-Pukto provinsiyasidagi Xvanchju uyezdidan uchta ballistik raketa uchirgan edi.
Izoh (0)