Microsoft kompaniyasi Windows Store’dan sifatsiz dasturlarni o‘chirishni boshladi

Microsoft kompaniyasi sifat talablariga javob bermay qo‘ygan dasturiy ta’minotdan xalos bo‘lishga qaror qildi, deb yozadi 3DNews. Ammo korporatsiya ishlab chiquvchilarga o‘z rejalari haqida oldindan xabar bermadi: ularga Windows Store’dan o‘z dasturlari o‘chirilgani haqidagi bildirishnomalar jo‘natildi, xolos.

Microsoft dasturlar sifatini baholashga jiddiy kirishdi: hozir kompaniya rasman chiqarilgan dasturiy ta’minotlarni ham, mahsulotlarning beta-versiyalarini ham tekshirmoqda. Shunisi e’tiborga loyiqki, o‘chirilgan loyihalar uchun dasturlar nomlarini saqlab qo‘yish bekor qilinadi, bu esa shuni bildiradiki, o‘z dasturlarini yana do‘konga joylashga qaror qilgan ishlab chiquvchilar xuddi o‘sha nomdan foydalana olishi uchun kafolat berilmaydi.

Eslatib o‘tamiz, avvalroq Apple kompaniyasi o‘z saytida 7-sentabr kuni App Store do‘konini eskirgan va ishlamaydigan dasturlardan tozalash dasturi boshlanishi haqida e’lon qilgan edi.