Professional bokschilik faoliyatini yakunlaganiga qaramay, afsonaviy kichik Floyd Meyvezer Instagram’dagi sahifasiga mashg‘ulotlaridan olingan videoni joylashtirdi va bu uning faoliyatini yangilashi mumkinligi haqidagi xabarlar paydo bo‘lishiga majbur qildi, deb xabar bermoqda “Korrespondent”.
Amerikalik bokschi 2015-yilning 12-sentabr kuni, Andre Berto ustidan erishilgan g‘alabadan so‘ng o‘z faoliyatini yakunlagandi. Meyvezerning aytishicha, u o‘shandan buyon mashg‘ulot o‘tkazmagan edi. Aksariyat mutaxassislarning fikricha, 39 yoshli bokschining ushbu mashg‘uloti faqat bir narsani anglatishi mumkin – u ringga qaytishga tayyorgarlik ko‘rmoqda.
Avvalroq Meyvezer UFC aralash janglar kurashchisi Konor MakGregor bilan jang qilish istagi borligi hamda faoliyatini yangilamoqchi bo‘layotgan filippinlik Menni Pakyaoaga qarshi yana bir bor jang o‘tkazish variantini ko‘rib chiqayotganini ma’lum qilgan edi.
Ma’lumot uchun, kichik Floyd Meyvezer professional ringda 49 jang o‘tkazib, barchasida (shulardan 26 ta nokaut bilan) g‘alaba qozongan.
Izoh (0)