Moskva Suriya va Turkiya chegarasi hududidagi hodisalardan hamda arablar va kurdlar o‘rtasidagi ziddiyatlarni hisobga olib, vaziyat yanada yomonlashishidan xavotirda, deb yozadi “Interfaks” Rossiya tashqi ishlar vazirligi bayonotiga tayanib.
24-avgust, chorshanba kuni, Turkiya OAVlari ma’lumotlariga ko‘ra, Anqara Suriya shimolidagi Jarablus shahrini IShID jangarilaridan tozalash operatsiyasini boshladi. Operatsiya chog‘ida Turkiya artilleriyasi shaharga yopirilma zarbalar berdi, Suriya bilan chegaraga tanklar joylashtirildi. Ayni paytda shaharning bir qismi Turkiya qo‘llab-quvvatlaydigan Suriya muxolifatchilari nazorati ostiga o‘tgan.
Keyinroq Turkiya prezidenti Rajab Toyyib Erdo‘g‘on Turkiya Suriyadagi harbiy operatsiyani mazkur mamlakat hududida joylashgan terrorchilar hujumidan o‘zini himoya qilish uchun boshlaganini ma’lum qildi.
Izoh (0)