Turkiya Suriyadagi harbiy operatsiyani mazkur mamlakat hududida joylashgan terrorchilar hujumidan o‘zini himoya qilish uchun boshladi. Bu haqda Turkiya prezidenti Rajab Toyyib Erdo‘g‘on ma’lum qildi, deya xabar beradi “Vedomosti”.
U 24-avgust, chorshanba kuni millatga telemurojaat bilan chiqdi. Prezidentning aytishicha, qo‘shni davlatdagi vaziyat tufayli Turkiya “IShID va kurd terrorchilari hujumlari qurboni” bo‘lmoqda. Turkiya bunday holatni qabul qilolmaydi va bunga chek qo‘yish niyatida.
Turkiya tashqi ishlar vaziri Mavlud Chavusho‘g‘li boshlangan harbiy operatsiyaning maqsadi IShIDni mamlakat chegaralaridan surib tashlash ekanligini ta’kidladi. U quruqlikdagi operatsiyada turk tanklari bilan birgalikda Suriya chegarasini kesib o‘tgan Ozod Suriya armiyasi kuchlari ishtirok etayotganini tasdiqladi.
Operatsiya “Yevfrat qalqoni” deya nom oldi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)