Florida sog‘liqni saqlash boshqarmasi AQShdagi mazkur shtatda odamlarning Zika virusiga chalinishiga bog‘liq beshta yangi holatni tekshirmoqda. Bu haqda shtat gubernatori Rik Skott ma’lum qildi, deya xabar beradi “TASS”.
Ulardan biri oldin xastalik kuzatilmagan Pinellas okrugi, qolganlari esa Mayami-Deyd okrugidagi Vinvud aholi punktida qayd etildi. Mazkur yangi holatlar bilan shtatda Zika virusiga chalinganlar soni 42 kishiga yetdi.
Oldinroq Floridada 35 kishi Zika bezgagiga chalingani bildirilgandi.
Gubernatorning ta’kidlashicha, virus tarqalish hududi hozirda ham tor doirada bo‘lib, Mayami-Deyd okrugidagi Vinvud va Mayami-Bich dahalari bilan cheklangan.
Izoh (0)