Turk qo‘shinlari Suriya hududiga kirgani haqidagi xabarlar Istanbul birjasida indekslar keskin tushib ketishiga sabab bo‘ldi. Investorlar IShID jangarilariga qarshi harbiy operatsiyaning boshlanishi Turkiyaning o‘zidagi xavfsizlik bilan bog‘liq vaziyatni yomonlashtirishidan xavotir olgan. Bu haqda “RBK” xabar bermoqda.
Istanbul birjasida 24-avgust, chorshanba kuni ertalabki savdolar chog‘ida BIST100 indeksi 2,87 foizga tushib ketdi. Bu esa Bloomberg tomonidan kuzatilib boriladigan 94 ta milliy birja indekslari orasidagi eng yomon natija bo‘ldi. BIST100 Turkiyada harbiy to‘ntarishga urinishdan so‘ng favqulodda holat e’lon qilingan 21-iyuldan beri bunchalik tushib ketmagandi. BIST30 indeksi ertalabki savdolardan bundan ham ko‘p — 2,93 foizga pastladi.
Birja kotirovkalari bilan bir qatorda turk lirasining dollarga nisbatan kursi ham pasaydi: minimum holatida u lira uchun 33,69 sentgacha tushdi, bu esa kechagi savdolarga qaraganda 0,525% kam.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)