Turkiya prezidenti Rajab Toyyib Erdo‘g‘on Rossiyaning Su-24 bombardimonchi samolyotining Suriyada qulashi bilan bog‘liq holatni “qora ko‘lanka” deb atadi. Bu haqda “Gazeta.ru” xabar bermoqda.
“Barchangizga ma’lum bo‘lganidek, 2015-yilning 25-noyabrida samolyot bilan yuz bergan fojiali hodisa go‘yo qora ko‘lanka kabi tushdi”, — dedi u.
Avvalroq Rossiya Iqtisodiy rivojlanish vazirligi rahbari Aleksey Ulyukayev Rossiya—Turkiya muzokaralarida urib tushirilgan Su-24 uchun tovon to‘lash masalasi muhokama etilmaganligini ma’lum qilgan edi.
Eslatib o‘tamiz, Su-24 bombardimonchi samolyoti Turkiya samolyoti tomonidan chegara yaqinida urib tushirilgan edi.
Izoh (0)