Insayderlar Google’ning yillik konferensiyasi bu safar sentabr oyining oxirida emas, 4-oktabrda bo‘lib o‘tishini ma’lum qildi. Tadbirda kompaniya Android 7.0 Nougat’ning yangi versiyasini hamda yangi HTC Nexus smartfonini taqdim etadi. Bu haqda “Hi-Tech.Mail.ru” xabar bermoqda.
Ilgariroq ma’lum qilinganidek, HTC kompaniyasi Marlin va Sailfish kod nomlari ostida ikkita smartfon tayyorlamoqda. 5,5 dyuymli HTC Marlin to‘rt yadroli Qualcomm Snapdragon 821 protsessori negiziga qurilayotgan bo‘lib, 4 Gb operativ xotiraga, 12 va 8 Mp kameralarga, shuningdek, 3450 mA/soat sig‘imli batareyaga bo‘lishi kutilmoqda. HTC Marlin dizayni HTC 10 ni eslatadi.
HTC Sailfish 5 dyuymli ekranga, shuningdek, Qualcomm Snapdragon 820 chipsetiga ega bo‘ladi. Korpusining orqa paneli shisha va metalldan ishlanadi. U to‘rt xil rangda chiqarilishi kutilmoqda.
Izoh (0)