Mali hukumat armiyasi zobiti mamlakat shimoli-g‘arbida qurolli kishilar tomonidan o‘ldirildi. Bu haqda “TASS” xabar bermoqda.
Hodisa 31-iyul, yakshanba kuni Timbuktu shahrida ro‘y berdi. Mintaqada terrorchilarni ta’qib etish bo‘yicha operatsiyalarda ishtirok etgan kapitan Xamatta Ag Umalxa Ansari o‘z uyi oldida ikki terrorchi tomonidan o‘ldirildi. Jinoyatchilar hozirda qidirilmoqda. Ularning zobit harakatlanishi haqida xabar berib turgan sheriklari bo‘lgani bildirilmoqda.
Oxirgi oylarda Mali shimoli va markaziy hududlarida vaziyat keskin tus olgani qayd etilmoqda. 30-iyul kuni rasmiylar mamlakat hududida favqulodda holat tartibini 2017-yilning 29-martiga qadar uzaytirdi.
Izoh (0)