Ruminiya qirolichasi, qirol Mixayning rafiqasi, malika Anna Burbon-Parmskaya 1-avgust kuni Shveysariyada 92 yoshida vafot etdi, deb yozadi “Korrespondent.net” qirollik oilasi matbuot xizmatiga tayanib.
Anna Lozanna yaqinidagi Morj shahri kasalxonasida yaqinlari doirasida jon berdi. Hayotining so‘nggi haftalari mobaynida uni turmush o‘rtog‘i, 94 yoshli qirol Mixay har kuni ziyorat qilgan.
An’anaga ko‘ra, dafn marosimi Ruminiyada, mamlakat qirollari maqbarasi joylashgan Kurtya-de-Arjesh shahrida bo‘lib o‘tadi.
Izoh (0)