Meksika g‘arbidagi Gerrero shtatining Akapulko kurort-shahrida 31-iyul, yakshanba kuni kamida 8 kishi o‘ldirildi. Bu haqda ma’lum qilgan huquq-tartibot idoralari vakillarining bildirishicha, shahar tumanlaridan birida yana uch kishining zo‘ravonlik alomatlari izi qolgan jasadi topildi. Bu haqda “TASS” xabar bermoqda.
Ekspertlar shaharda zo‘ravonlikning avj olishini narkokartellar va kichikroq jinoiy guruhlar o‘rtasida hudud hamda narkotiklar kontrabandasi yo‘nalishlari ustidan nazorat borasida davom etayotgan mojaro bilan bog‘lamoqda. 2015-yil yakunlari bo‘yicha Akapulko Meksikaning eng xavfli shahri deb topildi: bu yerda har 100 ming aholiga qasddan qotilliklar soni 104,7 tani tashkil etgan. Rasmiylar tomonidan jinoyatchilikka qarshi olib borilayotgan choralarga qaramay, bu yil ushbu ko‘rsatkich 111 taga yetdi.
Izoh (0)