O‘zbekistonning ayrim hududlarida 30-iyul, shanba kuni yog‘ingarchilik va momaqaldiroq kuzatilishi mumkin. Bu haqda “O‘zgidromet” markazi xabar bermoqda.
Xabar berishlaricha, shanbaga o‘tar kechasi O‘zbekistonning tog‘li hududlarida havo harorati +13...+18 daraja, Toshkent shahrida +18...+20 daraja, mamlakatning qolgan joylarida +23...+25 darajagacha iliq bo‘ladi.
30-iyul kuni kunduzi tog‘li joylarda havo harorati +20...+25 daraja iliq, Qoraqalpog‘iston Respublikasi, Xorazm, Andijon, Namangan va Farg‘ona viloyatlarida +28...+33 daraja, Toshkent shahrida esa +32...+34 daraja issiq bo‘lishi kutilmoqda.
Shu kuni Toshkent, Samarqand, Jizzax, Sirdaryo viloyatlarida havo harorati +32...+37 darajagacha, Buxoro, Navoiy, Qashqadaryo va Surxondaryo viloyatlarida esa +33...+38 darajagacha ko‘tarilishi mumkin.
“O‘zgidromet”dan ma’lum qilishlaricha, 30-iyulga o‘tar kechasi va 30-iyul kuni kunduzi O‘zbekistonning tog‘li hududlarida, shuningdek, Toshkent, Samarqand, Jizzax, Sirdaryo, Andijon, Namangan, Farg‘ona viloyatlarining ayrim joylarida qisqa muddatli yog‘ingarchilik va momaqaldiroq kuzatiladi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)