Тошкентда 30 июль куни ҳаво ҳарорати +34 даражагача иссиқ бўлади

Ўзбекистоннинг айрим ҳудудларида 30 июль, шанба куни ёғингарчилик ва момақалдироқ кузатилиши мумкин. Бу ҳақда «Ўзгидромет» маркази хабар бермоқда.

Хабар беришларича, шанбага ўтар кечаси Ўзбекистоннинг тоғли ҳудудларида ҳаво ҳарорати +13...+18 даража, Тошкент шаҳрида +18...+20 даража, мамлакатнинг қолган жойларида +23...+25 даражагача илиқ бўлади.

30 июль куни кундузи тоғли жойларда ҳаво ҳарорати +20...+25 даража илиқ, Қорақалпоғистон Республикаси, Хоразм, Андижон, Наманган ва Фарғона вилоятларида +28...+33 даража, Тошкент шаҳрида эса +32...+34 даража иссиқ бўлиши кутилмоқда.

Шу куни Тошкент, Самарқанд, Жиззах, Сирдарё вилоятларида ҳаво ҳарорати +32...+37 даражагача, Бухоро, Навоий, Қашқадарё ва Сурхондарё вилоятларида эса +33...+38 даражагача кўтарилиши мумкин.

«Ўзгидромет»дан маълум қилишларича, 30 июлга ўтар кечаси ва 30 июль куни кундузи Ўзбекистоннинг тоғли ҳудудларида, шунингдек, Тошкент, Самарқанд, Жиззах, Сирдарё, Андижон, Наманган, Фарғона вилоятларининг айрим жойларида қисқа муддатли ёғингарчилик ва момақалдироқ кузатилади.

• Наманган 28 июль куни Ўзбекистоннинг йирик шаҳарлари орасида энг салқини бўлди