Братислава марказида жойлашган Словакия президенти саройи қўриқчилари кучайтирилган тартибда қўриқланадиган ҳудудга киришга муваффақ бўлган эркакни қўлга олишга муваффақ бўлди. Бу ҳақда 25 июль, душанба куни давлат раҳбарининг матбуот котиби Роман Крпелан маълум қилди, дея хабар беради «ТАСС».
«Эркак сарой девори орқали ҳовлига ўтган пайт соқчилар томонидан қўлга олинди. У Сербия фуқароси бўлиб чиқди. Эркак соқчиларга уни гўё таъқиб этишларидан қочгани ва сарой ҳудудида яширинишга мажбур бўлганини билдирган. Ҳодиса 24 июль, якшанба куни рўй берди», — дея таъкидлади Крпелан.
Экспертлар қўлга олинган шахснинг изоҳларини шубҳа остига олди ва унинг ҳаракатларини безорилик сифатида баҳоламоқда. Эркак сарой ҳудудига тушки пайт, атрофда кўплаб ўткинчилар ва сайёҳлар бўлган, полициянинг кучайтирилган патруллари бинони кузатаётган пайт кирган.
Бу охирги пайтда Словакия президенти саройида хавфсизлик тизими панд бериши билан боғлиқ иккинчи ҳолат. Июнь охирида тунги пайт унинг ҳудудига 35 ёши Чехия фуқароси кириб, ички биноларини айланиб, ҳеч қандай муаммосиз тарк этганди. Шундан сўнг мамлакат раҳбарларини қўриқлаш бошқармаси директори Радован Хорват истеъфо берди.
Изоҳ (0)